گزشتہ چند ماہ سے عبقری رسالہ میں عبقری حویلی احمد پور شرقیہ میں ایام بیض کے تین روزے رکھنے کے فوائد پڑھ رہا تھا۔ میں رحیم یار خان کا رہائشی ہوں‘ معاشی حالات سے انتہائی پریشان تھا جس کی وجہ سے گھر میں بھی روزانہ جھگڑے رہتے‘ میں انتہائی پریشانی کے عالم میں سارا دن گھر سے باہر ہی گزارتا‘ ایک دن اپنے دوست کی دکان پر بیٹھا تھا کہ اچانک ہاکر آیا اور میرے دوست کو عبقری رسالہ دے کر چلا گیا۔ میں نے اس سے پوچھا: یہ کیا ہے؟ اس نے کہا کہ ’’عبقری رسالہ‘‘ ہے۔ میں نے اگلا سوال پوچھنے کے بجائے رسالہ پکڑ کر پڑھنا شروع کردیا‘ جیسے جیسے پڑھتا گیا‘ مجھے امید کی کرن نظر آنا شروع ہوگئی‘ ورق گردانی کے دوران میری نظر عبقری حویلی میں ہونے والے عمل پرپڑھی‘ میں نے پڑھا اور اپنے دوست سے ’’عبقری حویلی‘‘ کے متعلق تفصیلات طلب کیں تو مجھے بتایا گیا کہ عبقری حویلی احمد پور شرقیہ میں ہے‘ جہاں کی بہت زیادہ برکات ہیں‘ وہاں ایام بیض کے روزے(ہر چاند کی 13،14،15 کے روزے) رکھنے سے ہر مشکل دور ہوجاتی ہے۔ عبقری حویلی میں تین دن کا قیام کیا جاتا ہے‘ دن کوروزہ اور ساری رات سورۂ فاتحہ چلتے پھرتے پڑھنا ہوتی ہے۔ دن کے وقت آرام یا قرآن پاک کی تلاوت کی جاتی ہے۔ صرف تین دنوں میں بے شمار کے اجڑے گھرانے‘ کاروبار آباد ہوچکے ہیں‘ جادو ٹوٹ چکے ہیں‘ بندشیں ختم ہوچکی ہیں۔ دوست نے میرے کندھے پر ہاتھ مارتے ہوئے مزید کہا کہ یار تم بھی ہروقت معاشی طور پر پریشان رہتے ہو‘ تمہیں نوکری نہیں ملتی‘ احمدپور شرقیہ تو رحیم یارخان کے قریب ہی ہے‘ اتفاق سے دو دن بعد ایام بیض کے روزے شروع ہوجائیں گے تم بھی جاؤ اور مقدر کے دھنی بن جاؤ۔ میرے دوست نے 
صیل سمجھائی اور عبقری رسالہ دیا‘ اگلے ہی دن عبقری حویلی احمدپور شرقیہ روانہ ہوگیا۔ عبقری حویلی جب پہنچا تو اس کی تزئین و آرائش اور خوبصورتی دیکھ کر دنگ رہ گیا‘ وہاں موجود احباب سے عمل کی مکمل تفصیل سمجھی۔ ساری رات سورۂ فاتحہ پڑھتا اور دن کو روزہ رکھتا نیند پوری کرتا اور قرآن پاک کی تلاوت کرتا۔ تین دن روزے رکھ کر آگیا۔ مگر پورا مہینہ گزر گیا میرے حالات نہ بدلے‘ اگلے ماہ دوست کے اصرار پر پھر گیا‘ تین دن گزارے‘ جب واپس جارہا تھا تو راستے میں ہی ایک جگہ سے نوکری کی آفر آئی‘ یہ وہ جگہ تھی جہاں میں گزشتہ تین سال سے نوکری کیلئے ہاتھ پاؤں مار رہا تھا‘ جگہ جگہ سے سفارشیں ڈلوا رہا تھا مگر میرا کام نہیں بن رہا تھا‘ میں حیران رہ گیا کہ انہوں نے خود میرے ساتھ رابطہ کیا اور اگلے ہی دن میں ڈیوٹی پر تھا۔ میری تمنا کے مطابق تنخواہ طے ہوئی۔ الحمدللہ! میرے گھر سے فاقے‘ معاشی پریشانیاں‘ جھگڑے ختم ہوچکے ہیں‘ عبقری رسالہ ہر ماہ خریدتا بھی ہوں اور حسب توفیق لوگوں کو ہدیہ کرکے انہیں اس کے فضائل بھی سناتا ہوں اور ہاں عبقری حویلی جانا میں نے اب بھی نہیں چھوڑا۔ (قاسم شہزاد‘ رحیم یارخان)